من انااعتراضي على المكتوب
اعتراضي على المكتوب مايغير المكتوب .. والأقدار
كلها أشياء واقعه وحتميه
ومقابل صلاتي أدعي لكل شعب منكوب .. أفضل من
خروجي بأي مظاهره سلميه
كيف اطلب الاصلاح ونفسي كلها عيوب .. والنفس
عن شوف عيوبها دوم معميه
وينا عن شعب غزه الي عاشها حروب .. ولا
التضامن صار بمعايير قوميه
ويا بعضنا نلعب لعبة المغلوب.. ومع اليهود
نصير كلنا خوش حراميه
والخطا لاشافت العين الشي مقلوب .. وتخليه
بفكرك تنبني أشياء وهميه
وتعيش الهم وتمتلي صفحتك بذنوب .. وتجيك
الوساوس كلها بصوره يوميه
وينتهي عمرك ويقضي عليك ميكروب .. وتصبح جثه
هامده بالأرض مرميه
وتصير تعرب بعدها مفعول به منصوب .. بعد
ماكنت مبتدأ في جمله اسميه
حزني على نفسي لاطال الأمل ماتوب .. وحزني
عليها لاصارت لها النار مسميه
وحزني عليها لا عنها غيب الوقت محبوب ..
والحب سم لاعالجته يزيد سميه
يارب ترزقني الصبر صبر أبوب .. وتحفظني وتمد
لي في العمر ميه
اضافة تعليق