جمعت التجارب كلها على مر السنين .. وصنعت لي فلسفه من واقع حياتي
عشت دنياي حالي مثل حال السجين .. يا يطلق سراحه الزمن أو أثبت براتي 
واجهت المصايب بعزم وإيمان ويقين .. وتحملت الشدايد كلها بقوة ثباتي
صنعت نفسي بنفسي ولأني فطين .. قبل لا أي درب أسلكه أحسب خطاتي 
ماطلبت معين غير ربي معين .. لاحل فيني الحزن قمت لصلاتي 
أمسح دمعي بيساري وبيدي اليمين .. مسباحي أسبح خالقي وأطلب نجاتي
وأقول يارب تلهمني السعد دنيا ودين .. وترزقني القناعه والرضا وترحم مماتي 
وتجعل جانبي مع والديني يلين .. وتوفق اخواني وبعد تستر خواتي 
وتحفظ لي يارب من له قلبي رهين .. حبيبتي فدى عمري روحي ومناتي 
الي لاوشوش البث وعيت صورتها تبين .. أرسلت موجاتي لها تحمل آهاتي 
على تردد مابي حب وأشواق وحنين .. على قمر حب سات تستقبل قناتي 
خلقت من طين والعجب أعود طين .. ويبقى لي محمود الذكر ويا صفاتي 
وكل عمل سويته معي يصبح لي قرين .. وصحيفتي معلقه فيها مسجله سواتي
إلهي عفوك عفوك لاقرب موتي يحين .. تنطقني الشهاده بس في لحظة وفاتي